是一卡鋪在塗跤的飼料袋

上懸排七八項尚青的菜蔬

無磅無秤嘛無寫任何價格

伊賣的是惜福敬天驚討債

按天欲光未光的彼個時袸

揹著加止袋四界巡了擱巡

庫洛早著傳好準備欲顧門

有影人在講飼一隻老土狗

卡贏請二個無情的鐵將軍

這袸早班車是哪來哪稀微

落站擱步輪才行會到菜市

屈在親像溪水掣流的跤邊

伊講少年仔妳聽阿婆的嘴

毋湯干焦欲貪人的皮衫水

上好是要臍圓葉青擱飽米

哪欲苦苦強求誰合誰的味

天無著時終其尾雙邊慘虧

老阿嬤的菜格仔

是市場尚無準時的風景