草仔  1

進前回鄉，閒時攏佇村庄內外，

四界走揣囡仔時辦公伙仔teh耍的草，

想欲koh看著in，重溫一下仔趣味的情景，

毋過攏揣無影跡，遐的草仔好親像絕種矣 !

較奇怪的是有幾種囡仔時捌看過的草，

這馬加足大欉款的，發著加二尺外懸，

敢講是反種 ? 啊是這時代已經無人咧剷草來燃火煮食，

予伊有機會通大到在? 伊原本就是大真懸的草種 ?

欣賞草仔也是一種娛樂，

看著捌的草仔會足歡喜的，親像看著老朋友，

哈 !  啊見若拄著毋捌看過的，

就共號講是鳥仔放屎發的無名草，

歸類做是外來的野草。

其實，

草仔開花嘛足特殊的，

誠值得欣賞   !

minda 2016.6.12

草仔  2

窗仔墘、壁煏孔，有機會阮就會生湠。 

盤過牆圍、徛踮牆頭、倚佇水溝邊、躘出海岸頂，

阮攏會當活落去。

人講草仔誠臭賤，四界攏會當生湠，

等花謝結子，風就會來tshuā阮去tshit迌，

有佮意的所在，就共蹛落來……。

minda 2016.6.15