字體：小 中 大 |
|
|
|
| 2007/03/15 21:20:08瀏覽174｜回應0｜推薦6 | |
| 九月初九來靜坐，一人一百免囉唆； 百萬人民站起來，為著台灣好將來。 頭家倒扁為什麼？百姓要透一口氣， 人講伊是台灣子，三級貧戶來出世； 誰知權勢一拿去？將咱百姓放未記， 百姓生活像火鼎，愈想心內愈驚嚇； 無論芋仔尬蕃薯，攏愛安定過日子， 您講倒扁為什麼？為著賺吃討沒覓； 為著生活歹依持，為咱台灣好時機， 台灣人民出頭天，民主進步自己爭。 古早屎桶來倒便，每天著愛倒一遍， 現在台灣要倒扁，不是在拍武俠片； 咱ㄟ總統叫阿扁，他ㄟ習慣變變變， 向咱鄉親講沒變，伊是慣息騙騙騙； 騙咱選票騙支持，騙咱伊叨沒魚翅， 親家女婿吃鮑魚，夫人穿甲金爍爍； 講咱頭家伊薪勞，為何咱攏沒奈何？ 黑白講話一直錯，爆坑黑紗一手搓， 官虎ㄟ嘴胡蕊蕊，雋著美夢來相隨； 甘講咱攏燒酒醉？呼你當作槌共槌， 美夢打醒心焦碎，總統依剩一隻嘴。 寵豬通常ㄟ抬灶，寵子尚害是不孝， 寵著女婿罵罵號，寵著總統名聲臭。 台灣按怎不生氣，總統敖辯愛相掙， 倒扁到底為什麼，為著公平尬義理； 烏魯木齊真不通，害咱生活未輕鬆， 納稅抹使在恁玩，貪腐政權要清算； 鴨霸政府要下台，百姓才有好未來！ 九月初九來靜坐，一人一百免囉唆； 百萬人民站起來，為著台灣好將來！ |
|
| ( 時事評論｜政治 ) |
