阿爸講腳足痠

原來阿母去洗腰子 厝內無人

他無聊 用行

原本去二崙街....

真遠太悿

就去田裡 折兩支甘蔗...

慢慢行轉來

半路

遇著厝邊仔阿文

好心載他轉來.....

...

 阿爸感慨....講

少年十外歲 用行去 會社做農務工仔

閣較大漢騎鐵馬 學做生理 賣魚仔 果子

結婚真濟年後 為著 做遠路生意 改騎機車

六十歲 去考汽車執照

又過十外年 出小車禍

改閣騎機車 日前 又因為跌倒...

即馬 只會當用行路

八十歲老囉...