未飼喵喵以前 我無合意貓仔

總是感覺貓仔 真神秘 誠無情

目前喵喵陪我的時間

比囡仔較濟.....

因為有飼貓的經驗

看厝外野貓一岫 

一隻貓母餓肚 三隻貓仔囝閣欲食奶

可憐 每工飼 愈來愈親近

今仔早時 無看著彼隻烏仔....

欲去上班路邊

 有看著伊的身影

下班轉來 厝邊人講

彼隻烏仔....死去

好像是 予車輾著

聽了 心肝足艱苦............

 烏貓一向較青驚 攏離遠遠

這兩隻較貪食 鏡頭自然較濟

想著烏仔 短暫生命

毋甘 誠毋甘