ㄧ
犁田
是現代人 新名詞
黃昏後六 七點
無路燈 田岸仔路
彎路無減速
犁唯田底去
佳哉這區田 收成後
鐵牛紡過 田肉軟軟
人佮車攏落田
萬幸
人無傷 車無痞
電話速速 叫救兵
較近的 沈大...
機車行 沈頭...
四人 來解圍
緊張 驚惶
神魂未定....
持唸 大悲咒
大悲水 收驚
二
原本想 犁田
真好運...
人無受傷 車無痞
結果 毌是 按尼
是無破皮
骨無折
烏青是 ㄧ大片
筋挽著
規身軀 艱苦了了
看會著是
車 手鏡斷去
車行師傅檢查
結果是....
輪仔磨破
輪框變形...
傢私痞 幾落項
開了 兩千八
開錢得教示
三
下班後轉來看
阿爸 阿母...
開講時 阿爸講前幾日
伊目睭皮一直跳
原來是 父仔囝連心
佳哉 無大代誌
若無 我就真不孝..
四
果子 麵線 鴨蛋 紅包
佮感恩的心
敬謝彼日相助的 沈大....
也騎轉去
出意外現場 看看列
險險差一點
若是 落溝仔
無死 也半條命
真是驚死人....
今日看著田
秧仔播好了
園頭的蒜仔
有留落彼日
摧殘過的痕跡...
斟酌無蝕本
平安上蓋好
作家
字體：小 中 大
