~咱的春天~ 雲鶴筏客 詞
春天夢 夢春風 只是風加雨 時常落祙停
懷念咱的天和地 不甘乎伊~漸漸來變色
咱故鄉 鄉土情 妳我情意重 咱的心肝放祙落
無論是風颱天 還是赤日頭 俺儂愛作夥來疼惜 咱的土地
腳踏實地來打拼 一花一草一點露 妳我用心來愛護
春夏秋冬儂有咱的夢 風花雪月嘛有咱的歌詩
士農工商無分東西南北 住民嘛無分芋啊蕃薯
只要咱~儂有愛伊的心 咱了有美麗的春天
咱的故鄉 咱的名 就是~ 臺灣
妳是天 我是地 作夥來打拼 嘸驚風加雨
播田種稻流汗水 前人後腳~儂愛來相隨
冬天時 望春風 妳我情意重 相依為命照顧家
無論是冷霜夜 還是寒風日 俺儂愛作夥來溫暖 咱的庴家
腳踏實地來打拼 一山一溪一風景 妳我用心來愛護
春夏秋冬儂有咱的夢 風花雪月嘛有咱的歌詩
士農工商無分東西南北 住家嘛無分芋啊蕃薯
只要咱~儂有愛伊的心 咱了有美麗的春天
咱的故鄉 咱的名 就是~ 臺灣
妳愛我 我愛妳 咱是一家夥啊~
咱的故鄉 咱的名 就是~ 臺灣!
|
字體：小 中 大
