翕厝鳥仔

冊桌仔看出去有一個天井，逐工聽著厝鳥仔單音節的叫聲，

毋過欲翕怹的形影煞毋是遐簡單。

定定相機亦袂提起來，怹著若像噴射機飛甲遠遠，只會當佇紗窗的這爿翕著失真的相片。

雨水期過了後厝鳥仔特別活跳，有一工透過玻璃看著彼欉「紅粉撲」頂面若像歇一隻厝鳥仔。

開窗仔門擱無飛走，近看才知影是鳥仔子，尾溜的毛亦袂發齊，可能是咧學飛，無注意落落來。

厝鳥仔會使講是佮人類上親近的鳥類，毋過真正欲近距離接觸，往往是怹落難的時陣─落落塗腳(註1)，甚至替怹收屍。

厝鳥仔父母著急欲救鳥仔子，下晡共教室讓予厝鳥仔家庭，天欲暗，已經救援成功。

註1：地面。