疼是阮的活命

祢佇阮的心肝抵安貼

透早用清氣的想法和阮近偎

一工的氣力做阮生活的溫泉

祈禱是敬畏的心情

等候祢安靜的聲回答

祢的話是一工的起頭

嘛是一工的行踏

祢是平安的盾牌

佇一工的起頭築安穩的高台

就沒驚惶　聖靈的寶劍會戰贏

阮是祢永遠的疼

圍畾我的罪時常放佇祢的祭壇悔改

只有祢是無條件將赦免和

看顧當作是職業

佇這个車拼的時代給阮有路通行

祢的疼祢的全能是阮的港岸

是永遠的燈塔將一生照透透

敵人的面貌祢嘛攏知影

為阮辦榮耀的桌聲請對頭來吃

給虛假的心搖抖

祢的光照出人的心肝

祢是救恩是真理是活命是一面鏡

獻給祢掌聲

獻給祢讚美的歌

獻給祢不要變換的心肝

這麼少的盼望祢嘛給我

只有感動的目屎會凍講出我的心情

有祢的疼日日佇引導真快活 

請入來居佇我的心肝

永遠的主宰 

我是24小時的消費者

願祢憐憫我

永遠疼無煞

巧妙的創作

 登於台灣教會公報