字體：小 中 大 |
|
|
|
| 2013/09/13 12:31:41瀏覽694｜回應0｜推薦2 | |
| 102.09.12演講題目:台語的美
地點:彰化東南扶輪社 時間:pm7:00~8:00 演講大綱: 1. 四句聯 2. 打毋見的台語 3. 台語音的探討 4. 臆謎猜 臺語的定義: 日人仔時代所定義的"臺語"，現此時官方所謂的"台灣閩南語"、"閩南語"。 臺語因為時代的演變，有誠濟外來語，成做臺語的一部份，包括平埔族語、荷蘭、西班牙、日本語， 華語，造就台語佮福建閩南話有區別。 廣義上定義:佇台灣這塊土地咧使用的話，攏稱呼做"臺語"，包括70%(河洛話)、20%客話佮原住的話。 台文字敢有字? 台文來自「漢文」，有音就有字。佇魏晉南北朝的時，就是官方語言，汱有可能無字?是因為失講失教，閣受著打壓，佮一寡毋捌的人，家已未曉，就講無文字。 1.教會羅馬字:聖經、教會公報(1921年厦門音大字典) 2.教育部羅馬拼音字(承認羅馬字是臺文的一種) 3.教育部推薦用字(漢字七百字，2007~2009) 4.漢羅字(漢字透濫羅馬字) 台文字使用的現況: 維基百科、臺文雜誌、台文書籍、教材、台語歌曲........ 小弟名叫 ，徛家蹛佇莿桐里， 感恩社長的好意，有緣鬥陣來聯誼。 五湖四海皆兄弟，五百年前仝一家， 今日例會人誠濟，歡喜鬥陣相提攜。 逐个有緣來做伙，台語的美咱來揣， 先人留落來的寶貝，智識交換相交陪。 落來，合音: 【luai3】 扶輪社的宗旨 擴展服務廣交遊，服務社會有成就。 職業尊嚴道德修，頭家辛勞若朋友。 服務精神人人有，手路做到真幼秀。 世界友誼滿五洲，和平友善第一流。 彰化東南扶輪社， 一九九五看板徛， 召集仕紳佮老爺，社會服務頭旗攑。 前任社長鞏基礎，現任社長來照顧， 熱心社友來維護，社會和諧大幫助。 看板:外來詞khang35 pang51 廣告時間 現任社長施仲廣，欲講臺語伊上通， 後屆請伊選總統，逐个才來鬥走傱， 菜瓜水佮活膚霜，提來抹面真舒爽， 產品出名閣優良，健康天然上注重， 臺語若講會媠，趁錢着那別趁水。 臺語若講會**，台中七期買大樓。 臺語若講滑溜，做穡曲跤撚喙鬚。 臺語若講會通，逐个面色紅光光。 臺語若講袂通，愛罰燒酒三碗公。 腫腫有二个奶頭，319鄉鎮行透透， 里長嘛有送紅包，選票為何那麽少? 因為臺語講袂通，致使未當做總統， 不講方言伊首創，母語罪人真懵懂。 家庭真少用台語，致使講聽袂周致， 阿公孫仔用手比，家庭敢猶有倫理， 日常用語失落去，透濫華語不得己， 咱若有心來護持，先人智慧發揚起。 (周至:十全、四序) 二、拍毋見的臺語 1.火車站 ： 11.失蹤兒童 2.買車票： 12.玩具、玩積木 3.斑馬： 13.虱目魚、臍帶血 4.溜滑梯： 14.打電話、打算盤 5.翹翹板： 15.打高爾夫球 6.拿手菜 ： 16.撞球 7.吹毛求庛： 17.打酒 8.垂涎三尺 ： 18.閃電 9. 鼬獾 ： 19.公牛、公豬、 10.箭竹筍 ： 20.母雞、公雞 台語音的美 物件落落落去塗跤，落氣步盡展。 去香港買香，香真香(芳) 。 開，開開，開開開， 開開，開開，開開開， 芳，芳芳，芳芳芳， 軟，軟軟，軟軟軟， 冇，冇冇，冇冇冇， 澀，澀澀，澀澀澀， 紅，紅紅，紅紅紅， **，****，******， 白，白白，白白白， 三、台語音的探討(台語紹介) 七聲八調分陰陽，連音變調有內容， 鼻音入聲愛斟酌，文音白音分二種。 七聲八調分陰陽 1 2 3 4 5 6 7 8 上平 上上 上去 上入 下平 下上 下去 上入 君 滾 棍 骨 裙 滾 郡 滑 挨 矮 穢 厄 鞋 矮 會 － 詩詞平仄用臺語分辨平仄上四序: 1、5平聲，2、 3、 4、 6 、7、 8皆仄聲 2.連音變調(一句話除了上尾字無變調，餘 皆變詞)(自然變調) 連音變調有內容 p7 1.連音變調(規則變化有80%) 貨車→火車→花車→會車→貨車，迴車→會車/貨車 3 → 2 → 1 → 7 → 3 ， 5 → 7 / 3 忠 明 南 路 (1 5 5 7→7777,7337,7737,7377) 2.輕聲變調(尾第二字讀原調，尾字變調) 李先生(李小姐) 、 做人、驚死、陳家、 黄家、熱人、日時(暗時)........ 3.一字一意，攏無變調 夫唱婦隨、天光月暗、山懸海闊、人細聲大、 心清氣爽、人醉心茫、春去秋來、花開花謝、 腰酸背痛、雞啼狗吠........ 鼻音入聲愛斟酌 柳邊求去地 頗他曾入時 英文語出喜 inn 奶邊羹坑甜 篇天晶－生 嬰咪－星哼 ann 焦叭監坩擔 拋他斬－三 餡媽─── iann抨驚－鼎 骿廳精－聲 影名迎請燃 enn,onn,ainn,aunn,iaunn,iunn,uinn,uann,uainn, 入聲(短促音) p8 鬱卒、哲學、急促、八百、白漆、雜谷、作曲、 缺失、祝福、失落、一七、白鑠鑠、垃圾、的確、 剝骨、隔壁、血跡、甲乙、白鐵、八尺.......... (第4、8聲的分辨) 老骨頭去滑倒。.4..8. 激氣變極端。4..8. 慄色變綠色 4..8 。...... 急性無及格。4..8. ... 菊花送局長。4..8. 漆門的掠著賊仔。4.8. 文音白音分二種 (文音)陋室銘(劉禹鍚) 山不在高，有仙則名；水不在深， 有龍則靈。斯是陋室，惟吾德馨。 苔痕上階綠，草色入簾青。 談笑有鴻儒，往來無白丁。 可以調素琴，閱金經。 無絲竹之亂耳，無案牘之勞形。 南陽諸葛廬，西屬子雲亭。 孔子云:何陋之有？ 白音300年前臺商包二奶的故事(節錄千金譜) 上天津、廣東、蘇州買狐絲。看見蘇州婆，真文理，十八廿二少年時，紅喙唇，白喙齒，穿帶有排止，金手環，玉手指，也乖巧，也伶俐，琴棋書畫盡都是，緞被紗帳(tiunn7)簾，牙床頂，芳花味，一身白如麵，兩奶軟似綿，桃花面，點胭脂，紅奶罩，掛錦墘，紅綾鞋，金聰邊，飲酒吟詩，相牽看戲。搬來又搬去，交膚貼肉同床共枕。有生理，一夥計來叫伊，看見兩人眠未起，說叫貨物買齊備。若毋轉鄉里，恐驚生理綴伊去。陷眠聽見就peh起，目屎糊目墘，是我一時真呆癡，看見蘇州婆心綿綿。夥計就勸伊，朝來蘇州做生理，敢來放蕩破了錢。蘇州婆，講話就應伊，青春少年時，不嫖不樂是卜呢。聽汝講，都也是，少年揣幾時。無了工，也了錢，連嫖四月日，錢銀了去兩萬四，收拾行李卜轉去，就叫蘇州婆，來相辭，生理若猶有趁錢，明年再來總未遲。蘇州婆目屎流目屎滴，毋甘拆分離，夥計就勸伊，蘇州婆卜汝錢，咬薑母擦目墘，假有心，假有意，目屎淚淋漓，騙汝一隻戇大豬；了錢無要緊，無生瘡，是汝造化是。 5.謎臆猜: 1. 半斤雞仔，四兩頭(三字詞) 2.土地公毋驚風颱(四字詞) 3.熱人下晡，烏天暗地(臆6種動物) 4. 保護三藏去取經(二字詞) 5.坐車毋納錢(臆一尊神的名) 6.飯匙戛湆： (地名) 7.飛行機起飛：(口語三字) 8.一日走三頓，一暝徛到光(日用品) |
|
| ( 知識學習｜語言 ) |
