台灣莎士比亞情詩欣賞（2.）

              一枝雨傘　

              一枝雨傘圓輾輾，

              舉懸舉低遮娘身，
                  一時無看娘仔面，

              骨頭酸痛未翻身。 

           註：圓輾輾（輾lin，圓滾滾） 

                      解說：

一枝雨傘圓輾輾，一時舉懸一時舉低真張持，卜遮娘仔的身

軀，驚娘仔白拋拋幼麵麵的跤手面，予日頭曝烏去。

是講，才分開一時仔久爾，無看著阿娘仔的人，煞是未食未

睏心神恍惚，規身軀骨節酸軟疼，疼甲哀父叫母身軀未反爿。

 註：張持（小心）。一時仔囝久爾（一下子而已）。

    未反爿（不能翻身）。