字體:小 中 大 | |
|
|
2006/03/06 07:07:28瀏覽603|回應0|推薦7 | |
未做衫先做領 讀國中的金孫冊包揹咧卜去讀冊,看著阿公食飽,衫穿好拄咧拭皮鞋,歡喜共阿公請安:「阿公!爻早,阿公汝昨睏有好無?」 阿公:「金孫!爻早,我昨睏了真落眠!汝食有飽無?天氣反冷有加疊內衫無?」 金孫:「阿公!我食飽啦!我有加疊一領私底衫(內衣),阿公!汝今仔日穿襯衫結呢丘滓(ne1 khu2 tai2),那穿甲赫奅(phann7時髦、帥氣)?」(註:奅/帊,音怕第7聲) 阿公:「我卜去開會,阿孫!襯衫的衫未用得讀「三」(sann),愛讀「杉」(sam)。呢丘滓是日本的外來語,咱講「領帶」或者「頷帶」。襯衫的衫是文讀音,歌仔戲內底定定(經常)講「衣衫襤褸」,即字衫嘛是文讀音。若是白話音,像衫褲、衫仔裙(上衣和下裙)、衫仔袈(衣架)。」 金孫:「衣衫襤褸是啥意思?」 阿公:「衣衫襤褸是咧講衫褲破爛的意思。」 金孫:「阿公!我捌聽人講一句俗語『好心好行,無衫通穿』,毋知是啥意思?」 阿公:「是咧怨嘆上天無公平、好心無好報!」 金孫:「阿公!請汝教我有關衫的台語?」 阿公:「好!毛線衣叫做『膨紗衫』,外衫閣有叫做『寒天衫、外口衫、面頂衫』,長袍叫做『長衫』,家常服叫做『便衫、粗布衫』,睡衣叫做『睏衫』,肚兜叫做『肚帕仔、肚帷仔、肚綰仔』,背心叫做『內裌(音甲)仔』,阿公即領西裝的裌仔叫做『祝磯裌仔』,綿襖叫做『綿裘』。」 金孫:「阿公!我閣捌真濟!請閣教我一句俗語,我感覺俗語真趣味閣真有意思!」 阿公:「好!『未做衫先做領,未嫁翁先生囝』,意思是講無照頭理路來行,華語叫做『不按排理出牌』,沒有按部就班! 金孫:「好!阿公再會!我愛來去學校嘍!阿爸阿母阮卜出門啊!」
|
|
( 創作|散文 ) |