不幸言中，雅虎blog命不久矣！但估不到會來得這麼快！12月尾壽終正寢，不過10月30後將不能够發新post、更改、回應及回复，換言之只能瀏覽。
此刻在此投訴、發牢騷己經係毫無意義，計劃迎接yahoo blog末日、如何為自己blog作出完結更加實際！
由今天至十月尾，有兩個月時間，在下會留守出post到最後階段，一齊見証yahoo blog死亡關閉一刻！但可能有大量blog友未到期限己經放棄或跳船離去！
兩個月時間原本正常可以出到大約20篇，但在下會盡量嚐試接近或去到300篇才完結，即是還須要出多40篇以上才可達到300篇之數！所以將有機會一日發出多於一個post，所以未來兩個月，鍾意港漫日漫嘅朋友，可以等待迎接在下源源不絕嘅藏書分享！
不過無論怎樣也絕無可能在這麼短時間完整地post出所有預定嘅項目！facebook平台完全唔適合在下這類發表大量圖片兼有文字評述嘅post，亦唔方便瀏覽、讀者提問及回复，所以若找不到一個適合出post平台，亦唔會強求在一個不適合平台去發表餘下嘅post，繼續與否或在什麼平台到時再在此通知大家！

風流是馬榮成1978年作品，係講一個殺手被其組織追殺嘅故事，其時己睇到馬仔畫功特佳，內文黑白製作，全部分成五輯完結，原本在漫畫報"青報"連載，單行本只出過第一第二集，即係頭兩輯，其後2008年鄺氏再出复刻版，一本完厚達200頁，不過size比原書細咗一半，縮細畫面大打折扣，亦令內文字、旁白細而難睇，兼且印刷比較之下反而比30多年前差，優點就只得可以一次過睇晒全部5輯故事！30多年之後，由葉明發重新再畫馬sir嘅"風流"，天下從鄺氏買回版權出版，一共8期完結。

張風流海報係當年"青報"附送，若各位參觀灣仔動漫基地馬sir作品展，都會見到這張海報展出！

复刻版風流，size比原版細，印刷亦麻麻

新版風流，葉明發繪，全套8期完

同期出版風流紀念集一本，頭版有上官小寶(當年出版風流)、馬榮成寫序

潛艇魚雷係書內絕招之一！