邱福龍、周勝。公仔書(鐵血戰士) - 程的部落格

字體：小中大

邱福龍、周勝。公仔書(鐵血戰士)

2013/11/16 13:29:40瀏覽404｜回應0｜推薦0

公仔書係邱福龍第一本個人作品，套書由龍乘風出版社出版，日期大約係90-91年，龍少個主打故事係"鐵血戰士"，以怪獸科幻類作為龍少第一本作品嘅題材，當然係完全適合佢發揮！
不過實際這套書是一套綜合漫畫，除邱福龍外，主筆尚有周勝、西華、梁偉傑、余健培、李志全等。而龍少套"鐵血戰士"喺第一期內畫足36頁，所以佢第一本單行本作品實為"公仔書"(鐵血戰士)第一期，而"公仔書"(鐵血戰士)第二期只佔一半便完結咗故事，第二期另一半則為周勝接力嘅新故事"魔界追魂"，
第三期就成為百份百綜合漫畫，除有邱福龍與西華合寫嘅"逃走"之外，尚有余健培、梁偉傑嘅作品，邱福龍只畫到第3期，之後就全力投入第二套個人新書"東方不敗"，冇咗龍少，"公仔書"只去到第6期便告完結。

公仔書第一至六期全目錄；

第一期：鐵血戰士(邱福龍)
第二期：鐵血戰士下集(邱福龍)、魔界追魂1(周勝)
第三期：逃走(邱福龍、西華)、魔界追魂2(周勝)、ET GIRL(余健培)、貳星情緣(梁偉傑)、外星趣兒1(余健培)
第四期：魔界追魂3(周勝)、外星趣兒2(余健培)、交換命運(李志全)
第五期：魔界追魂4(周勝)、外星趣兒3(余健培)、夢殺(李志全)
第六期：魔界追魂完結篇(周勝)、外星趣兒4(余健培)、野心胎夢(李志全)