不經不覺程BLOG己經來到第200篇！以一個百份百純漫畫BLOG來說，200篇己是不算低嘅數字，而自第1篇到199篇止，這裡共約貼出350套書，包括總共約2532本漫畫封面(這數字還未包括約十篇朋友的收藏)，相信再過多100篇之後，必定會刷新成為最高紀錄！
但回看現今嘅BLOG網功能一而再被削弱，無論人氣和瀏覽量皆每况愈下，漫畫BLOG更加係可以以"慘淡凋零"來形容，大家都去晒FACEBOOK，一些早期較興旺嘅漫畫BLOG都相繼"停運"，目前還只僅餘得幾個還有持續更新或是斷續更新嘅漫畫BLOG在經營着。
亦參考過一些較早前嘅漫畫分享介紹BLOG，發覺至多到300篇己是絕大多數漫畫BLOG嘅極限，不過在下估計及點算本BLOG將所要介紹嘅書是遠遠超過300篇，所以照目前情况來睇，除非YAHOO  BLOG被取消、或是特別意外、又或是本BLOG損壞至不能復原，否則還是會以約每隔兩至三天更新一篇嘅速度維持至好長嘅時間！
前200篇嘅總結，寫BLOG就有如儲書一樣，須要有耐性、不放棄、緩慢有序咁樣POST出每一篇集結而成為一個全面性嘅專題漫畫BLOG，接住往後嘅篇幅，更多經典、有歷史、耐看、套裝、單本、罕有、冷門熱門、新與舊嘅港漫日漫都會陸續源源不絕貼上！

第200篇除了吹下水展望一下之外，今期主題千奇百怪的香港漫畫！喺好耐之前嘅香港漫畫種類真係多到難以形容，以一個得幾百萬人口嘅城市來說，是一項紀錄及奇蹟，除咗一些熱門、大路嘅中長篇漫畫以外，還出過大量短篇、三四期完嘅冷門漫畫，咁多年積聚下來，實在有好大量，唔知以下這些香港地道漫畫書，你有冇見過或擁有過呢？這些書因為我本人都不齊全，有些亦不知道有幾多期數，反正我都認為不可能再找到其他更多失散了的期數！但若閣下連以下這些"怪"極"冷"極漫畫都曾見過晒，並擁有齊全齊套，咁你必定係"漫畫字典"

鷹王子，作者上官大夫，是何許人？？？此書有幾多期？？？

吳文輝也有過愛情漫畫.....

幻海魔踪，作者雅迪、域奇、奕明，統統名不經傳，此書有多少期？誰人知？？

儍王子畫嘅小儍仙，同黃玉郎有什麼關係？作者儍王子係什麼人？套書有幾多本？？

上官小龍嘅小飛虎，少見啲啩

上官小威還有過這套"奇案錄"，但係要KEEP齊就好難啦！

這本"李小龍"第11期係"怪書"，因為原裝版根本不是這樣，但這本是什麼版我都不知道

鄧本邦嘅"黑皮書"，有好多本架...

三級港漫"小夫妻"，作者"遊人"好似係徐大寶！

上官小强都未必見過嘅"壽星仔"漫畫！

魯信嘅冷門書拳霸天下，呢度有兩本：

還有別漏了這套"孫子兵法"

小玉郎是何許人？？佢這套"小神腿"居然有成17期

白金龍嘅包青天，書同人都係冷門一族！

小威哥仲有套"咸鬼故"，有冇人記得？

烈火，冇人知個主筆係邊個啩？！

魔鬼詩篇，朋友贈送嘅冷門嘢，相信9成9人沒見過，雅迪畫

天煞，這本應該最多人見過，不過都係冷門書，主筆劉家沛，同劉定堅是親屬關係！

伍寄萍80年代還有這本港漫"密宗"出過....

啓示錄異像世紀，劉定堅出版

這些奇怪冷門"怪書"只係我面頭摷出嘅散書小部份，欲看更多其他的就要留意往後嘅各篇介紹啦！例如下期第201篇，即有一套冷門正嘢！