字體：小 中 大 |
|
|
|
| 2013/10/27 11:42:28瀏覽437｜回應0｜推薦0 | |
| 香港大師級嘅畫家，我或者只會想起崔成安大師！佢畫鬼故、愛情故事超一流，武俠亦絕無問題，不過佢好多年前己經半退休移民咗加拿大，根据資料加報料，住緊過萬呎大屋，並榮獲加拿大卑斯省成就傑出華人獎，也是因為佢嘅藝術功力在彼邦早己得到認同！ 而這兩本畫集真係相隔咗好多好多年後技癢才出，由加拿大出版社出版。 美人動態圖係一本純用鉛筆素描式繪畫，崔大師畫女仔面相、動態、形姿之靚及神似，我喺香港揾唔到邊位漫畫家畫女仔可以靚得過崔大師，唔少香港漫畫家提筆去畫好一幅女仔是好有難度，相反可以感受到崔大帥佢可以以筆觸好輕鬆流暢就畫得出靚嘅人像，畫男像與女仔像都揮灑自如，對佢完全無難度！高手之中嘅高手！ 這本畫冊"美人動態圖"出得極小量，甚至這本未見過賣任何廣告宣傳，相信只係作為崔大師同fans之間嘅交流作品，絕對唔係為賺錢，因為出得唔多，所以佢本本都簽晒名！ 另一本"太極拳"畫冊更係佢多年後復出嘅首本個人作品，並請來黃玉郎祁文傑何韻詩寫序； 黃玉郎在序中以"好朋友"相稱，內容大概係讚揚佢係好識享受人生嘅人，而雕刻、海報創造、園藝等各方面都係專家級！真人結合漫畫風格更是無人能及，更提到兩人結伴潛水嘅往事。 這本"太極拳"畫冊，主要是以漫畫連環圖方式去介紹太極拳嘅各種招式套路，相信跟住佢本書自學太極拳都可以的，不過要等到可以攞生果金嘅年紀先，因為果時該有空閑耍下太極 
黃生當年復出第一擊"天子傳奇"都要請崔大師助陣畫人物設計，就知黃生不容有失及突顯崔大師嘅功力同重要性！
祁文傑
曾幫徐小鳳演唱會做過舞台設計......
習太極拳名家：金庸、梁羽生....
隨書附送太極拳口訣VCD
非賣品小冊子：吳式太極拳35式
|
|
| ( 興趣嗜好｜收藏 ) |
