五十嵐優美子。小甜甜45週年香港迎聖誕 - 程的部落格

字體：小中大

五十嵐優美子。小甜甜45週年香港迎聖誕

2013/10/26 12:05:11瀏覽433｜回應0｜推薦1

每個女仔必看嘅少女漫畫至尊，小甜甜，就連曾經是世界女首富，外號"小甜甜"嘅龔如心也是小甜甜嘅超級fans，常以小甜甜髮型同打扮示人，又專誠出天價請五十嵐優美子為其畫自傳！
今年係小甜甜畫者五十嵐優美子入行45週年，特來香港舉行作品回顧展覽！某個大型商埸於是佈置了一個以小甜甜城堡、花園結合聖誕嘅展覽區。
整個小甜甜花園除了有馬車、城堡佈置之外，還有两間屋仔，一間是小甜甜嘅專賣品店，一間是用作五十嵐優美子作品展，展出咗佢自己嘅作品之外，仲有大量港日漫畫家向佢致敬嘅作品，可見五十嵐優美子嘅級數同少女漫畫祖師嘅地位非同凡响！
香港方面，就有黄玉郎、王澤、李志清、陳某、李惠珍、狄克等專誠畫公仔祝賀，當中黄玉郎同五十嵐優美子一早就認識，所以"玉皇朝"己經一早出晒佢啲作品，今次45週年五十嵐優美子來港作品展，黄生亦專程來到同佢映相、作畫慶賀一番。
在下亦係fans之一，所以佢一黎到有作品展，己經第一時間去朝拜，當然唔係想去攞什麼簽名或合照，而係純去睇下畫展啫，這個展覧一直去到一月初！得閑不妨一去，祝各位聖誕快樂！甜甜蜜蜜