鄭問應該是港人最熟識及台灣最具名氣的漫畫大師,佢又分別與黃玉郎馬榮成合作過,在港出過漫畫作品,佢嘅功力同作品在行內無容置疑,一般港人比較熟識嘅係佢嘅"阿鼻劍"、"刺客列傳"又或者係"大霹靂",而這本"星雲大師"雖並非年份久遠嘅舊書,大概是2000年出版,在台灣亦一定有好多人知道,但在香港就冇咁多人會看到吧。我早知鄭問出過這本書,但都是近期輾轉之下托朋友alanwen及丹下兄嘅blog友"老劉"在台灣幫忙購入,在此嗚謝劉兄了!講返這本"星雲大師"內容是以全漫畫形式述說介紹台灣好出名嘅星雲大師一生事蹟,是一本漫畫傳記,鄭問將星雲大師從細到大以傳記形式用漫畫畫出來,是鄭問迷必儲嘅鄭問作品!