上月做個"情人節愛情故事漫畫之月"，今個月再嚟個"罕有、少見漫畫分享月"
故名思意罕有、少見漫畫就一定係揀選一些極少見或係相信甚罕有嘅漫畫才post上嚟，不過我這裏所謂罕有、少見嘅漫畫就唔一定係高價、貴嘢、矜貴嘅書，相反甚至十元八塊都可以有交易，因為好多呢類少見嘅書，都未必係大家會爭相收藏炒貴嘅大路作品或者係名氣主筆作品，
而有好多罕有、少見嘅十元八塊平價漫畫，可能即使你有錢想買亦未必揾到，即使有多多銀，亦好難揾到擁有者兼肯放給你，所以同一樣罕有、少見嘅貴價或平價書嘅實際價值都分別不大！
而由今次開始，會一連三次由"朋友嘅珍藏分享"率先打頭陣，之後先才輪到在下嘅一些私伙分享
今期這套朋友收藏嘅上官玉郎作品"胡惠乾"，有這麽多本，絕對係符合晒今次罕有、少見兼係有錢都揾唔到嘅主題