今次介紹利志達兩套屬於佢最初期嘅單行本作品，一本係"命運"，另一套係"環"上下集。"環"相信好多人都有或者見過，但"命運"我咁耐都係佢一個超級fans嘅blog中見過一次，所以今次登出來分享下。

聽講"玩具"係利志達嘅第一本單行本作品，85年由斯辰文化出版嘅一系列利志達衛斯理漫畫版有：玩具、雨花石、屍變、支離人、環、藍血人等，其後86年由滙益出版嘅三套有：犀照、命運、訪客。

另外有個問題想請教一下利志達嘅超級fans，就係我好想知道利志達嘅第一套單行本作品係85年嘅"玩具"，咁還有無超級fans擁有佢最早期嘅短篇作品或者投稿時期作品呢？

因我手上仲有其早期嘅短篇作品、同埋佢投稿時期作品，比佢係"漫畫周刋"時期嘅作品更耐，可以將佢作品從85年第一本單行本推前到1982年，而我就想知道佢還有無比82年更早嘅作品？

至於嗰本刋登佢82年短篇作品嘅漫畫，我遲些再獨立介紹。

環，1985年4-5月出版

命運,1986年4月出版