2020.01.26

外口人賣炊好的發粿，食袂合。
去買人透好的發粿粉轉來家己炊，已經有十外外年矣，毋捌炊無起來的。
　
過年eng食飽才想著猶未炊發粿。
下落電鍋炊的時，十點捅仔爾，煞足想欲睏。
　
交待囡仔，等伊欲睏的時，才共電鍋的電切掉、蓋掀開。
囡仔若轉來，無超過半暝12點是無去睏的，算算咧，炊發粿的時間無問題。

我半暝仔精神，去看發粿，有熟、毋拘無piak開，汰會按呢？
　
今仔日雄雄想著細漢時，捌聽大人講，炊粿的時，袂使去睏，若無會炊袂起來。
敢按呢？
　
盈暗食飯閒閒無代誌，發粿粉猶有。
照比例、照行程閣行一遍。
　
掀開看，有發矣！
前後嘛才成點鐘。
　
炊粿袂使去睏，敢真的？！！

敢欲閣試一遍？！ah是莫鐵齒啦。來去食發粿。