2018.05.04

透早天拄光，糞埽車停車場開矣。
已經積兩工的糞埽。
倒了，離開停車場，一路誠輕鬆。
　
一隻白鴒鷥歇佇青青青的稻田邊
後斗khok-á拖一條長長白白，若像尾溜，嘛若辮的頭毛
　
機車騎倚想欲詳細看
伊掠我看一下
展翼，向前慢慢仔飛
　
飛無偌遠，又閣停跤佇路邊
騎倚，越頭看我一眼，又閣向前飛
　
一路飛懸、停睏幾何回
上尾，向東爿直飛，無回頭
　
這款的背影，感覺已經佇我面前出現千萬回
　
想欲共伊講
若是咱佇頂世人有約束，請汝放袂記。

因為....

忘川河的水甘甜，我啉siuⁿ濟！

＊白鴒鷥翕袂著，相片只好家已做＊