網路城邦
上一篇 回創作列表 下一篇   字體:
台南詩行
2019/08/16 12:36:27瀏覽657|回應1|推薦11

&

書名:台南詩行

文類:台語詩集

作者:陳胤

出版:前衛出版社

定價:300

獎助:國藝會 (2017台南駐市作家創作作品)

&

尋覓詩的偶然

--詩集簡介

 

   詩,是一種偶然;人也是。

   本詩集,不只是詩集,而是周密的跨界藝術創作計畫,也可說是個藝術行動,或行動詩。源於「南寧文學‧家」的駐市作家申請,擬定以台南大多數的母語──台語,作為詩創作的語言,以府城作為取材中心,藉由徒步、單車做沉浸式的漫遊,用意在放慢速度,讓靈魂進到時間根柢,緩緩自在地日常生活中擠出詩的原汁,至於詩題,沒任何一首是事先定死,全交給與府城互動的偶然。每次神領意會的偶然,都是創作無可取代的靈魂。再者,刻意將詩作以手寫方式,寫在台南在地藝術家凃妙沂的筆記書上,其中,隨心境或有塗鴉繪畫,創作計畫完成後,此筆記就是現成的筆記書(詩),這是一種再創作,也是府城永遠無可取代的歷史文件與記憶。對創作者,對台南,都是唯一。

   本詩集,包括其中一首組詩,共56首,分成4卷。是以寫作時間順序編排而成,於此,亦可視為一種府城詩生活的日誌。而每首詩後,都附上一首「影像詩」,全以府城地景作為視覺創作圖像的藍本,另,其中除了組詩留白外,其餘各配上一首4行截句小詩,擴大藝術的疆界,讓原本的詩有不同風貌與意象,因此,詩作總數應為112首。這些台南款的詩,在作品完成後已脫離作者而獨立,各自在府城街巷款款而行,可做為台南深度旅遊的心靈風景。

   本詩集的書寫,採漢羅混寫方式,以漢字為主,羅馬字為輔。漢字以教育部頒布的「台灣閩南語推薦用字」為主,羅馬字則用教育部頒訂的「台灣羅馬字拼音系統」,其中輕聲的符號,沒特別再標示,視為變調的一環。而在敘述上,盡量以簡明口語行文,並於文後附有台華文註解,稍諳台語者,都能輕鬆進入詩的天地。

   本詩集,獲2018年國家文藝基金會出版補助。創作者作品,曾獲吳濁流文學獎新詩正獎、鍾肇政文學獎、時報文學獎等數十獎項。詩作,多次獲國家文藝基金會創作與出版獎助,並入選國內外重要詩選。台語作品,2014年入圍台灣文學台語新詩經典獎,曾四度獲台南文學獎、六度獲台灣閩客語文學獎、六度獲打狗鳳邑文學獎。2018年,台語詩集《月光》獲文化部中小學優良文學讀本,台語歌詞〈永靖枝仔冰〉,亦獲教育部地方特色歌詞比賽優等,創作者文學功力與努力,有客觀的肯定。

 &

母語kap台南ê行踏,伊並無孤單

--推薦序/鄭清鴻 (前衛出版社主編)

 

  因為編輯《月光》ê因緣初熟似陳胤,但是讀著伊ê詩進前,我對伊上深ê印象,是伊一身「文學浪人」ê形貌kap氣質,以及地方縣市各級文學獎活跳,毋但跨文類,而且華語、台語攏有表現ê一位多產文學家。

  出版寒冬ê時代,文學,或者所有ê人文藝術,早就是這世間ê艱難路途,欲成做一ê文學家、藝術家,若無主要ê事業,毋知愛付出、犧牲外濟(或者愛這个過勞時代,成做「斜槓」青、中年)。就免講咱命運坎坷ê母語文學,經過戰前、戰後兩擺國語運動ê打壓,一直攏是非主流ê邊陲文類,koh三不五時予人用「鄉土文學」敲油、收編、檢討、「被霸權」、「被沙文主義」。面對捌字ê母語文盲閱讀市場,若文學本身艱難,投入母語文學是愛需要外大ê覺悟kap堅持?我只有敬佩,毋敢思量。

  我那讀詩,那對作品附錄ê年表來對陳胤有所認捌,才會當深深體會這款漂浪氣質背後ê,時代ê詩意。伊ê性命有一種反骨ê氣質,伊ê青春,koh拄好是台灣社會進入民主化,解嚴前後政治運動當leh起大風湧ê時陣,好親像五冬前ê三一八運動,佇立法院外口靜坐等待天光、予警察用棍仔「拍肩」、用槍噴水、對政治失望但是毋捌絕望ê少年。使人怨嘆ê是,毋管是1960年代抑是1980年代出世,佇虛幻ê中華民國想像kap殘存無死ê黨國威權政治ê面頭前,街頭ê反抗經驗是跨世代ê工課,毋知敢看會著無仝款ê運命?

  對社會運動進入到學校內底,對教育現場ê種種觀察kap體會,以及對本土語文流失ê現狀,陳胤攏有一種對現實不滿ê批判,對强權不服ê抵抗。毋過,伊ê力頭khah毋是大聲姦撟彼種,顛倒是對現實幽微ê所在,暗暗、堅定磨出一支針,不意中揻一下,揻kah予人會疼,而且干焦用一支針,就予惡人毋敢向前koh踏一步。但是詩人是比任何人koh khah毋甘、不捨這世間,讀者ê疼,是不比詩人經歷種種觀察kap思考所體會著ê彼種疼,這是詩人上大ê溫柔。

  這款對世間ê溫柔關懷,敢是詩人對愛情ê向望當中所出來ê性格?對《戀歌》、《月光》,以及這本詩集《台南詩行》當中,咱攏會當看著詩人對愛情無停歇ê走揣,譬論講,〈光復延平老街〉這首詩ê上尾寫著:「是講,我ê愛情/哪無做伙光復?」詩人用(相對伊家己ê史觀來講是)「政治不正確」ê「光復」這个動詞來呼叫愛情,看來是有淡薄仔剾洗家己ê意思,但是詩人這陣甘願暫時用史觀kap立場,來換一段對愛情ê思戀kap期待,「揣著伊進前,將所有ê愛,hōo這个世界;揣著伊了後,全世界ê愛,攏hōo……」詩人將失落ê愛情抽替做全世界ê關心,活世界ê同時,就是一場無限ê等待、守護,對時間ê包容──《月光》已經將詩人個人kap世界之間ê連結定案,《台南詩行》ê書寫當中繼續激一甕詩ê好酒

  透過駐市作家ê機會,陳胤佇府城台南完成這本新詩集。詩人kap城市ê性格是真四配,清閒輕鬆ê古都,詩人用溫柔ê目神tshuā讀者寬寬仔散步。所有ê感情,對人、物kap都市ê互動當中生湠出來,有觀光熱點、百年古蹟,也有詩人隨意行踏ê街路風景,一ê身影,是一段人生。所有ê認同,攏刻古都經歷四百外冬風霜ê面容頂頭,遠遠ê是歷史,關係著一个猶未出世ê新國家ê線索;近近ê是故事,一寡猶未放袂記、毋通放袂記ê人,台南。

  這本詩集,用一百冬猶未停歇ê母語ê意志,六十工ê府城日記,一位詩人ê心事,來kap你交陪。雖罔小可寂寞,但是伊並無孤單,對世間有情、對愛無後悔ê靈魂,攏毋是一ê人。

&

台南,當時行

--代話頭/陳胤

 

   koh來台南矣。

   這擺,毋是來旅行,是來生活。試看覓仔咧,成做一个府城市民,是啥物款滋味?詩,是我ê戶口。罔行罔寫,和台南做伙喘氣,嘛穿仝領內褲,阮ê秘密kap故事相迵,你若路裡拄著,毋通傷驚惶。

   有影,遮,是一个眠夢ê好所在,葉石濤ê跤跡,定著不時行踮我ê詩裡,綴我歡喜,綴我傷悲。

   前幾工,春尾ê北風,突然間壓落南,小可反寒,暗暝我冊房寫詩,寫kah毋知好穿衫,suah淡薄仔感著,塞鼻,koh起畏寒。昨暗,想講南部khah燒熱,被蓋khah薄,無疑悟天beh光ê時,suahkah精神。無法度,這是我塞鼻ê舊症頭。哪毋知是毋是傷歡喜所致,抑是新環境猶毋知伸勼,總是,這是我府城日子ê頭暝。

   這兩工,毋成食,毋成睏,精神蓋䆀。中晝頓進前,灌一鈷燒茶,想到,鼻仔開始teh透氣,飯食了,小補眠一下,起床,suah清爽起來矣……

   加話免講傷濟,是講,我ê詩,定著嘛愛罔行罔寫。台南,當時行。

 

#註解:

迵(thàng):「透氣」。

勼(kiu):「透氣」。

䆀(bái):「透氣」。

&

篇目

 

第一卷 假影,一个文學家

 

假影,一个文學家

詩行過大南門

南寧街頭的笑容

渡鳥飛過,雲海冊店

斡角,台灣詩路

城南舊城,出日

血開,鳳凰花

𠢕早,聖若瑟天主堂

天公廟賣金的阿婆

71巷的夜鷹

台南好款

南寧文學.家

是恁爸!林百貨...

愛國婦人館你咧創啥物

曝藍圖的詩

 

第二卷 噴射機咧眠夢

 

噴射機咧眠夢

伯勞歇佇開山王廟

巴克禮的五月天

佇台南孔廟共孔子公考試

月娘,酸甘甜...

目睭

同窗

透心涼的光批

哀祭,草祭冊店

夕遊出張所,出張

光復延平老街

行佇漁光島的海岸

日落之塔

警告中國加鴒

抑是

寫詩,度小月

 

第三卷 國立的詩,落雨

 

國立的詩,落雨

光影交插的夢想

阮兜後埕有天使的歌聲

過敏

媽祖佇林默娘公園放風吹

億載金城的目睭

安平樹屋,有影無影

東興洋行彼下晡

風神廟展風神

神農街著愛用牽的

海安路,乾杯

風吹公會堂

南女中彼欉金龜樹

舌的聲嗽

禮拜,台南公園的雨豆樹

有影,知事官邸

 

第四卷 未來

 

未來

恬靜

記持

孤單

散步

有志

 &

購書

1.請洽前衛出版社或網路/實體書店

2.需簽名書,請Fb私訊陳胤/inriver2014@gmail.com

( 創作詩詞 )
回應 推薦文章 列印 加入我的文摘
上一篇 回創作列表 下一篇

引用
引用網址:http://classic-blog.udn.com/article/trackback.jsp?uid=inriver&aid=128552456

 回應文章

清風荷語
等級:8
留言加入好友
2019/08/22 11:15
賀詩集出版唷...
陳胤(inriver) 於 2019-08-25 10:15 回覆:

感恩喔

清風荷語...