@詩集小檔案

書名：月光

作者：陳胤

類別：台語新詩

頁數：288

開數：32K

出版：前衛出版社/2017/8/初版一刷

定價：320元

備註：內頁採用輕量環保紙，為地球盡一份心力。

（國家文藝基金會創作與出版雙重補助）

@詩集簡介

母語，日漸消失，身為詩的創作者，最好的搶救方式，就是投入創作：寫更多更好的母語詩，以文學作品，加入母語復興運動。

本詩集的創作理念：語言，來自生活日常；詩，也是。試圖用淺白的母語（台語）文字，寫日常的素材，從生活與土地的叩連中構築詩的世界，情感與音韻的表現之外，嘗試提煉一些生命哲思。最後一卷，傳達對母語與詩，在當前速食功利的社會中被邊緣化的憂心，卻又有彼此依存的溫暖──母語詩，恍如月光，稀微黯淡卻是人的靈魂之窗……

本詩集，連影像詩月光短歌，共122首，四卷：卷一「拄好」，生活的日常，沉思小品。卷二「刻骨ê傷痕」，土地、時事、人物之紀念。卷三「知影」，長詩或組詩，比賽作品。卷四「拋荒ê心」，母語與詩的心情筆記。

架構上，題目與各卷之名依序分行排列，剛好形成一首小詩，詩題可獨立，也可是首句，創作在刻意經營中總帶些意外緣分──

〈月光〉

拄好

刻骨ê傷痕

知影

拋荒ê心 

本詩集的書寫，採漢羅混寫方式，以漢字為主，羅馬字為輔。漢字以教育部頒布的「台灣閩南語推薦用字」為主，羅馬字則用教育部頒訂的「台灣羅馬字拼音系統」。而在敘述上，盡量以簡明口語行文，並於文後附有台華文註解，稍諳台語者，都能輕鬆進入詩的天地。

本詩集，獲國家文藝基金會創作與出版雙重補助（2015、2016）；部分作品曾獲得打狗鳳邑文學獎（2011、2012、2014、2015）、台南文學獎（2013、2014）、教育部閩客語文學獎（2015）、夢花文學獎（2013）、台灣文學金典獎入圍（2014）等，其中包括兩個首獎，共九個獎項，有客觀的肯定，可作為台語詩入門的參考範本。

@踏話頭(序文)

<月娘ê b="">步數>

    天氣變涼冷矣，窗外ê北風kā我講，我ê額頭koh加一寡仔皺痕矣，有ê頭鬃嘛變做霜雪，恬恬落tī一个孤單ê暗暝，時間毋知是多情抑是無情，總是無聲無說行過，行過春夏秋冬ê跤phāng，行過美麗ê山河，行過無伊形影gāng-gāng ê目神……啊，眼前是開闊ê海，海湧一波一波，淹過來，又koh一波一波，退落去，起起落落，就按呢，日子咻一下飛去天邊海角矣。

    目一下nih，《戀歌》出世初版，已經兩冬外矣，伊ê影跡嘛愈來愈薄矣，親像雲煙消散hiah-nī輕，hiah-nī軟絲，毋過，有一屑仔未結phí ê傷痕，猶tī夢中teh牽絲，khah早講bē出喙ê話，有時雄雄suah peh起來嚨喉探頭，總是小可ngiau-ngiau，哽tī半空中，吞bē落，koh吐bē出來，真害咧，定定著愛姑情一杯燒酒，才有法度kā痛疼化做歌詩，啊！伊百面tī遠遠ê所在，學月娘teh笑我，笑我這个戇大呆。

    哈，我定著知影風ê詭計，老罔老koh會哺塗豆，這款低路ê戲齣，哪有法度騙倒我這隻老狐狸咧？這就是中古車ê好處，路邊tshìn彩插咧，無煩無惱，毋驚風雨thún踏。毋過，思念絕對是真ê，戀歌，永遠唱bē煞，只是伊，已經毋是原來ê伊矣，現此時，成做暗暝一粒美麗ê天星，tī眾神慈悲ê眼內，teh看我，等我。你知影，我早早就和家己ê青春少年有約束：揣著伊進前，將所有ê愛，hōo這个世界；揣著伊了後，kā全世界ê愛，攏hōo伊……啊，逐擺，若看著月光hiah-nī溫柔，koh無私心，沓沓仔照光每一條烏暗ê小路，我都感動kah目屎流目屎滴。這kám是上帝ê目睭？

    性命本底是無圓滿ê，就是因為有欠缺，咱才有拍拚ê理由，這一兩冬，tī眾人鄙相看衰ê眼神內面，我看著一寡母語ê皮肉又koh死去矣，毋過，另外一寡靈魂卻tī我ê心底復生，生死之間，留落來ê跤跡印記，攏是我硬頸ê歌詩，假使有一工，咱可憐ê母語若正式入土，遮ê，hōo我祝福過、唸讀過ê詩，就是世間上媠ê墓牌……

    是講，這本《月光》，其實毋是正港ê月光，是我對世間風塵ê愛戀kap毋甘，種種ê掛礙，若親像心肝頭海湧ê起落，不時淹過目墘，憂悶當咧無法度接載ê時，詩，是一種消解ê步數niā-niā，每一个寂寞ê暗暝，一杯燒酒落喉了後，我攏會泡一鈷薄薄ê燒茶，恬恬點一葩電火，慢慢仔，雙跤交疊坐落來，安安靜靜，tī榻榻米享受一个人ê孤單，hit時才知，每一下喘氣，攏是神ê恩賜，kap關愛。

    世間變涼冷矣，我ê心，當咧燒烙。這是月娘教阮ê步數……tī遠遠ê伊，kám知影我ê心意？

註解：

kā我講：共我講，「跟我講」。

koh：閣，「再」。

恬恬（tiām-tiām）：「靜靜」。

tī：佇，「在」。

gāng-gāng：愣愣，「發呆出神」。

nih：𥍉，「眨眼」。

hiah-nī：遐爾，「那麼」。

跤phāng：跤縫，「腳縫」。

結phí：結疕，「結痂」。

peh：「爬」。

ngiau-ngiau：擽擽，「癢癢的」。

teh：咧，「正在」。

哺（pōo）：「咀嚼」。

揣（tshuē）：「找尋」。

tshìn彩：凊彩，「隨便」。

thún踏：𧿬踏，「糟蹋」。

鄙相（phí-siùnn）：「輕視」。

接載（tsih-tsài）：「支撐」。

niā-niā：爾爾，「而已」。

上媠（siōng-suí）：「最漂亮」。

一鈷（tsi̍t kóo）：「一壺」。

（陳胤/2016/12/1）

@試閱

Hit時

我tī細漢ê記持內面

種一欉夢想

好佳哉，koh有目屎好沃

無論歡喜，抑是悲傷

只要有月光，伊就直直大漢

枝葉嘛漸漸湠開……

這時

我聽著花開ê聲音

有一種思念ê芳味

親像燈蛾仝款

共規樹林ê心事，攏總

掀出來，春夏也好

秋冬也好，憂悶ê露水

猶原會記得月娘ê恩情

一點一滴，用愛報答

你珍惜ê暗暝……

註解：

記持（kì-tî）：「記憶」。

沃（ak）：「澆、灌溉」。

湠（thuànn）：「蔓延」。

仝（kāng）：「相同」。

──台文戰線43號/2016/7

@購買方式

1. 1. 匯款：1本320元，郵資+40元，便利袋掛號。2~4本，便利箱掛號交寄，郵資+65元。5本(含)以上，推廣價每本200元，免運費。收到書後再匯款即可。
   2. 路過：柳河文化工作室。(彰化縣永靖鄉永南村八德巷106號04-8236982)，歡迎事先預約面交。
   3. 宅配：5本(含)以上，您若住彰化縣境內，我願意路過時親送給您。(時間地點約訂)
   4. 配對買：《月光》+《戀歌》=500元，一律掛號(不離不棄)，郵資65元。2套(含)以上，免運費。
   5. 購買數量與方式，請先以電郵(inriver2014@gmail.com)或臉書私訊聯絡

 ***請順便告知，是否要簽名？若要，如何簽？感謝您。